“Habemus calira”

December 2020: Avertura dalla calira a distanza Laax

Aunc ad uras avon ch’igl unviern entscheivi havein nus priu en funcziun l’emprema etappa dil provediment da calira ella zona dil vitg. Ils clients ch’ein vegni colligiai direct alla reit duront la fasa da baghegiar astgan profitar naven dil december 2020 dall’energia da scaldar ecologica.

La construcziun sutterrana dallas lingias isoladas da calira ei succedida en stretga coordinaziun culla vischnaunca da Laax. Cun sanar las lingias d’aua e dil current electric ha quei lubiu da trer a néz sinergias. Las lavurs cun in plan da termins stretg ein stai fetg pretensiusas. Tonpli essan nus satisfatgs ch’igl ei gartegiau da concluder il project e da prender en funcziun gl’implont avon gl’unviern.

Settember 2020: installau la caldera dil fuorn

Scaldament a distanza Laax SA ha contonschiu in impurtont tierm: Ils 28 da settember 2020 han plirs camiuns transportau el liug las parts dallas duas calderas da scaldar. Ina tschaghegna hidraulica ha sin quei alzau ellas el liug destinau. La montascha dallas parts singulas e l’avertura cuozzan aunc zacontas jamnas. La centrala e la reit da calira vegnan ad esser finidas (montascha da basa) il november 2020.