Cuosts d’energia e d’installaziun

Culla colligiaziun digl object paga il consument dalla calira per la colligiaziun dalla casa alla reit, inclusiv la staziun da surdar la calira (scumiader termic), ina taxa unica da colligiaziun ch’ei dependenta dalla prestaziun. Quella sereferescha als cuosts effectivs per la colligiaziun dalla casa.

Duront gl’entir cuoz dil contract pagheis Vus sco client negin prezi fundamental che s’orientescha alla prestaziun installada; q.v.d. ch’igl ei in diever spargnus e da gronda responsabladad per l’energia sco resursa. La fin fin digl onn semuossa il resultat directamein en vossa buorsa. Vus pagheis pia effectivamein mo quei che Vus consumeis.

La calira che Vus haveis effectivamein retratg vegn facturada cul prezi da 15,8 raps/kWh ch’ei fixaus e garantius a liunga vesta. (stan, 01 schaner 2024)

La pauschala unica da colligiaziun per ina casa d’ina famiglia ei 10’000 francs (entochen 11 kW prestaziun da colligiaziun). Ils cuosts per casas da pliras famiglias varientscha tut tenor prestaziun denter 15’000 e 30’000 francs.