Decuors dil project – survesta actuala

La radunonza communala da Laax dils 4 da december 2019 ha approbau unanimamein il project dalla calira a distanza. Per quei intent ha il suveran concediu in credit da 600’000 francs pigl implont niev. Il program da baghegiar 2020 includa la construcziun dalla centrala Pardanal sco era l’emprema etappa dalla reit da calira per liung las vias Sontga Clau e Spendas tochen tier las immobiglias dalla vischnaunca a Grava.
L’emprema furniziun da calira ei planisada 2020. Las proximas etappas vegnan planisadas silsuenter sin fundament digl interess dils proxims possessurs d’immobiglias.

Colligiaziun all’emprema etappa dalla calira a distanza Laax

Per quell’etappa eis ei vinavon pusseivel da secolligiar alla calira a distanza Laax.

Possessurs d’immobiglias che vulessen seschar colligiar pér en zacons onns han la pusseivladad da schar baghegiar gia oz ina colligiaziun vitta en connex cullas etappas d’engrondaziun ordinarias. Cunquei san ins evitar pli tard cuosts pli aults perquei ch’ins stuess lu puspei rumper si las vias. Ina colligiaziun vitta vegn fatga sch’il possessur suttascriva ina declaronza d’intenziun. Da tut temps ed online san ins mussar gl’interess per la calira a distanza ni scriver ina declaronza d’intenziun. Mira:

www.waermeverbund-laax.ch/anschluss-fernwaerme/