Cull’avertura dall’emprema etappa da calira a distanza naven dil 2020 remplazza l’energia regenerabla a moda persistenta, cun lenna ord ils uauls da Laax, 280’000 liters ieli da scaldar. Cheutras spargn’ins 740 tonnas CO2 ad onn.

Energia da lenna ei energia solara arcunada. Ella ei regenerabla e neutrala da CO2. Il lenn crescha suenter e producescha cun barschar mo ton CO2 sco ina plonta ha priu si cun crescher. Cuntrari all’energia fossila ei lenna cheutras regenerabla 100 %. Sche nus remplazzein materia da scaldar fossila cun lenna, savein nus retardar il scaldament dil clima.

Bien da saver: La surfatscha d’uaul en Svizra s’augmenta – mintg’onn eis ei la dimensiun dil Lag da Thun. Mintg’onn crescha en Svizra rodund 10 milliuns. m3 lenna suenter. Senza surduvrar gl’uaul san ins raccoltar da quei mintg’onn rodund 7 tochen 8 milliuns m3. La raccolta effectiva da lenna ei denton dapi onns tier sulettamein 4,5 tochen 5 milliuns cubics. Las reservas en Svizra ein cunquei garantidas a liunga vesta.

Energia da biomassa

Enteifer l’energia regenerabla vala biomassa sco mied universal. Cun ella eis ei pusseivel da producir current electric, calira e carburant.

Lenna ni pelletschas d’oranschas, grascha da biestga, lenna da brisch sco era massa rumians organics ein pleins d’energia custeivla. La producziun d’energia ord biomassa ha la consequenza ch’ei fa senn da duvrar vinavon lenna sco materia prima locala. Il medem mument generescha quei plazzas da lavur el liug e la creaziun d’atgna valur ella regiun s’augmenta.

L’ovra dil Scaldament a distanza da Laax lavura cun lenna d’uaul e lenna da caglias. Ils viadis da transport fetg cuorts garanteschan plinavon ina bilanza ecologica persistenta. Cheutras san ins era reducir l’energia grischa (producziun, transport, magazinar) dalla producziun da calira.