Energia neutrala da CO₂,
ord lenna, sco materia prima natirala

Cul Scaldament a distanza Laax dat ei in menaschi local pil provediment d’energia. Quel producescha energia neutrala da CO₂ ord lenna sco materia prima. Quell’energia ecologica e persistenta vegn furnida alla populaziun da Laax, lezza drova ella per scaldar baghetgs e l’aua da consumar. Ils clients colligiai prestan cheutras ina contribuziun impurtonta per reducir las emissiuns da CO₂.